სწავლა აშშ-ში: სრული გზამკვლევი საერთაშორისო სტუდენტებისთვის

ამერიკის შეერთებული შტატები ერთ-ერთი მოთხოვნადი ქვეყანაა სწავლისთვის, განსაკუთრებით მათთვის ვისაც მსოფლიო დონის განათლების მიღება სურს. აშშ გტავაზობთ მსოფლიოში ცნობილ უნივერსიტეტებს, მრავალფეროვან პროგრამებს და კარიერულ შესაძლებლობებს. აშშ-შ სწავლა ნიშნავს, რომ უამრავი შესაძლებლობა გექნებათ.

ამ სტატიით მიიღებთ იმ საჭირო ინფორმაციას, რაც ამერიკაში სწავლისთვის გჭირდებათ.

რას გაიგებთ:

• აშშ-ში სწავლის უპირატესობები
• მისაღები მოთხოვნები და საჭირო დოკუმენტები
• შესაძლო დაფინანსებები
• წამყვანი უნივერსიტეტები და პროგრამები
• რჩევები ადაპტაციისთვის

რატომ უნდა აირჩიოთ აშშ სწავლისთვის?

მსოფლიო დონის განათლება

ამერიკული უნივერსიტეტები ცნობილია ინოვაციური და კვლევებზე ორიენტირებული განათლებით. 30-ზე მეტი ამერიკული უნივერსიტეტი რეგულარულად ხვდება მსოფლიოს ტოპ 100-ეულში.

კარიერული და პიროვნული განვითარება

აშშ-ის უნივერსიტეტების კურსდამთავრებულებზე მაღალი მოთხოვნაა საერთაშორისო ბაზარზე. ისინი გამოირჩევიან, როგორც ხარისხიანი განათლებით, ასევე, კომუნიკაციისა და ლიდერობის უნარებით.

პროგრამების მრავალფეროვნება

ამერიკაში ათასობით საბაკალავრო, სამაგისტრო და სადოქტორო პროგრამაა ხელმისაწვდომი და საშუალებას გაძლევთ ფართო, მრავალმხრივი ცოდნა მიიღოთ ინჟინერიის, ბიზნესის, სამართალის, მედიცინის თუ ხელოვნების მიმართულებით.

ძირითადი მოთხოვნები:

სწორი უნივერსიტეტის შერჩევა

წამყვანი უნივერსიტეტი უნდა შეირჩეს პროგრამის რეიტინგის, მდებარეობის, სწავლის საფასურისა და საერთაშორისო სტუდენტების მხარდაჭერის მიხედვით.

ენობრივი კომპეტენცია

უნივერსიტეტების უმეტესობას ითხოვს TOEFL ან IELTS ქულებს. მისაღები ქულები განსხვავდება უნივერსიტეტების მიხედვით.

აკადემიური მოსწრება

ხშირად გადამწყვეტია თქვენი ნიშნები (GPA) და ზოგ შემთხვევაში სტანდარტიზებული ტესტები, როგორიცაა SAT, GRE ან GMAT.

დაფინანსებები

დაფინანსების შესაძლებლობები

აშშ-ში არსებობს უამრავი დაფინანსების პროგრამები. განსაკუთრებული ყურადღება მიაქციეთ Fulbright და Hubert H. Humphrey პროგრამებს.

რჩევები დაფინანსებისთვის

დაწერეთ დამაჯერებელი სამოტივაციო წერილი, მოამზადეთ თქვენი აკადემიური მიღწევების ამსახველი დოკუმენტები და სარეკომენდაციო წერილები. რაც შეიძლება ადრე გააგზავნეთ აპლიკაცია.

როგორ გავაგზავნოთ აპლიკაცია?

სააპლიკაციო პროცესის ყველა ეტაპი

1. უნივერსიტეტისა და პროგრამის შერჩევა
2. ონლაინ განაცხადის შევსება
3. საჭირო დოკუმენტების ატვირთვა
4. ინგლისურის ტესტის ქულების წარდგენა
5. სავიზო პროცესის დაწყება

საჭირო დოკუმენტები:

• ნიშნების ამონაწერი და სერთიფიკატები
• ინგლისურის ტესტის შედეგები
• რეზიუმე და სამოტივაციო წერილი
• სარეკომენდაციო წერილები
• ვალიდური პასპორტი

რჩევები წარმატებული სტუდენტური გამოცდილებისთვის

აირჩიეთ თქვენთვის შესაფერისი უნივერსიტეტი

გაითვალისწინეთ აკრედიტაცია, ფაკულტეტის ხარისხი და პროგრამის შესაბამისობა თქვენს მიზნებთან.

როგორ გაზარდოთ მოხვედრის შანსი

სამოტივაციო წერილი მოარგეთ თითოეულ პროგრამას, არ დააგვიანოთ აპლიკაციის გაგზავნა და წარმოადგინეთ ძლიერი აკადემიური დოკუმენტაცია.

მოემზადეთ საზღვარგარეთ ცხოვრებისთვის

წინასწარ გაეცანით კამპუსებს, საცხოვრებელ პირობებსა და ამერიკულ კულტურას.

ხშირად დასმული კითხვები

რა ჯდება აშშ-ში სწავლა?

სწავლის წლიური საფასური, საშუალოდ, $15,000-დან $50,000-მდე მერყეობს. საცხოვრებელი ხარჯები ქალაქის მიხედვით იცვლება.

შეუძლიათ თუ არა საერთაშორისო სტუდენტებს მუშაობა?

დიახ, F1 ვიზის მფლობელებს შეუძლიათ კვირაში მაქსიმუმ 20 საათი იმუშაონ კამპუსის ტერიტორიაზე.

რა არის სწავლისთვის იდეალური ასაკი აშშ-ში?

არ არსებობს მკაცრი ასაკობრივი შეზღუდვა. თუმცა, საბაკალავრო სტუდენტები, როგორც წესი, არიან 17-25 წლის ასაკის, ხოლო სამაგისტრო პროგრამებზე — 23 წლიდან ზემოთ.

რა არის ყველაზე მნიშვნელოვანი მიღების კრიტერიუმი?

მთავარი ფაქტორებია აკადემიური მოსწრება (GPA), IELTS/TOEFL ქულები, ძლიერი სამოტივაციო წერილი, სარეკომენდაციო წერილები და extracurricular აქტივობები.

დეტალური კონსულტაციისთვის და საგანმანათლებლო რჩევებისთვის დაგვიკავშირდით.